egypt4all

منتدي مصر لكل مصر
 
الرئيسيةمكتبة الصورالتسجيلدخول

شاطر | 
 

 ايه اغرب موقف حصلك في حياتك؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mido_AhlawY
مشرف
مشرف


عدد الرسائل : 85
تاريخ التسجيل : 26/05/2008

مُساهمةموضوع: ايه اغرب موقف حصلك في حياتك؟!   الأربعاء يونيو 04, 2008 9:49 am


السلام عليكم جميعا

الموضوع دا ياجماعه عن المواقف الغريبه اللي بتحصل لكل واحد فينا ومش ممكن ينساها

لو في حد عنده موقف ياريت يحكيه من غير كسوف

انا كمان هاحكي بس مش دلوقتي Mad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
away_of_life85
مشرف
مشرف


عدد الرسائل : 74
تاريخ التسجيل : 26/05/2008

مُساهمةموضوع: رد: ايه اغرب موقف حصلك في حياتك؟!   الخميس يونيو 05, 2008 1:51 am

هحكيلوا مرة موقف حصل معايا بس موتنى من الضحك
و كل لما افتكره اموت من الضحك عليه تانى


مرة كنت راجع من عند واحد صاحبى بالليل الساعة 11 ونص تقريبا
و بعدين و انا خارج من محطة مترو السيدة زينب فى سوق و فى مبنى كان بيتبنى جنبها و كانت الدنيا غرقانة رملة و زلط
المهم
انا خارج و السوق ده كانت الناس لمت الفرش بتاعها كله و الدنيا ضلمة ما عدا 3 اربعة رجالة كده شكلهم غلط اصلا من الناس اللى بتفرش فى السوق
هما اللى كانوا لسه مروحوش و كانوا قاعدين بيرغوا و جنبهم الفرش بتاعهم و وراهم على طول المبنى اللى كان لسه بيتبنى ده
طولت عليكوا صح
بس انا عاوزكوا تتخيلوا معايا المكان
المهم
انا ماشى و رايح ناحيتهم و كنت لابس الشبشب بتاعى و راحت رجلى نازلة فى حفرة مليانة حصى و رمل و زلط صغير فبعدلها بسرعة قامت طلعت مع رجلى كمية من الظلط و الرمل اترمت عليهم و على الفرش غرقتهم و صوت الرمل و الظلط على البضاعة اييييييييه
كأن الحرب قامت
ههههههههههههههههههههههههههههه
المهم انا لقيت الناس مرة واحدة بتبصلى
طبعا ما هو مفيش حد غيرى اساسا كان ماشى فى الحتة دى
و انا قلت بس كده انا هاخد علقة تماااااااااااااااااااااااااااااااام
بس الحمد لله ربنا الهمنى
فى ثانية كنت مجمع الموقف و افتكرت ان فى وراهم عمارة بتتبنى
رحت باصص على طول على فوق على اساس ان الرملة و قعت من فوق
راحوا هما كمان رافعين دماغهم و باصين على فوق زى ما انا عملت
رحت و انا باصص فوق قايل "" انتوا يا عالم يالى معندكوش دم مش شايفين فى ناس قاعدة تحت ""
المهم هما بقى لسه باصين فوق بيدوروا مين اللى وقع الرملة عليهم
رحت واخد بعضى و رحت ماشى
ههههههههههههههههههههههههههههههههههه
و فضلت طول مانا مروح ميت من الضحك
حتى الناس فى الشارع كانت بتقول ايه المجنون اللى عمال يضحك ده


و ده كان موقف جامد جدا و عمرى ما هنساه
بس ربنا ستر الحمد لله فيه

يالا
كله يطلع اللى فى جعبته

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ايه اغرب موقف حصلك في حياتك؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
egypt4all :: المنتديات الفرعية :: الغرائب والطرائف-
انتقل الى: