egypt4all منتدي مصر لكل مصر |
| | لـــــــــ,,,ـــــــــــيـــــــــــــــ,,,ـــــــــــــــــــه ؟ | |
| | كاتب الموضوع | رسالة |
---|
away_of_life85 مشرف
عدد الرسائل : 74 تاريخ التسجيل : 26/05/2008
| موضوع: لـــــــــ,,,ـــــــــــيـــــــــــــــ,,,ـــــــــــــــــــه ؟ الأربعاء يونيو 04, 2008 1:42 am | |
| الصراحة انا عاوز اتكلم معاكوا فى موضوع حصل من كام يوم كده معايا
من يومين بالظبط و انا راجع من الكلية اللى مقرها حلوان و انا راكب المترو و قف المترو فى محطة عين حلوان شوية و انا كنت راكب فى اول عربية فى المترو و الناس على الرصيف كانت بتجرى و المترو قافل البيبان و واقف فى المحطة مطلعش المهم الناس اللى فى المترو سألوا فى ايه و عرفنا ان المترو اللى قبلنا داس بنت
الحادثة بتاعة القطارات دى بتحصل كتير جدا و كلنا بنسمع عنها كل يوم لكن حكاية البنت دى كانت غريبة جدا طبعا البنت كانت لسه ميتة و كانوا تقريبا بيلموا بقاياها من على القضبان حتى الاسعاف ماكانتش لسه وصلت المهم البنت اتوفت ازاى ؟؟؟؟ البنت جت تركب المترو الباب قفل على رجلها و هى جسمها بره و سواق المترو المحترم مش يبص فى المراية اللى فى اول المحطة و لا يفكر فى الصفارة اللى موقفتش بتاعة البيبان المهم راح طالع بالمترو و جرجر البنت على الرصيف كله لحد ما الرصيف خلص و البنت نزلت تحت المترو و طبعا لكوا انكوا تتخيلوا الباقى البنت كانت معاها مامتها اللى فعلا ربنا يصبرها و يلهما كل الصبر اللى فى الدنيا و ميحكمش على حد انه يشوف حد فى المنظر ده فمابالك بقى ان دى بنتها المهم اللى انا عاوز افهمه سواق المترو ده معندوش اى تفكير ولا اى حس انه يشوف البيبان دى مقفلتش ليه و لا ايه السبب و حتى مكلفش نفسه يبص فى المراية يشوف فى ايه و ازاى ادارة المترو لحد دلوقتى محطتش نظام يمنع ان القطر يتحرك الا اذا كانت كل البيبان مقفولة بإحكام و لعلمكوا نظان ذى ده مش هيكلف اى حاجة و انا بتكلم و انا عارف انا بقول ايه عشان انا مهندس تحكم و الموضوع ده ابسط مما تتخيلوا السؤال دلوقتى هو ليــــــــــــــــــــــــــــــــــه؟؟؟ ليه الانسان بقى رخيص عندنا ؟؟ ليه مبقيناش نخاف على بعض؟؟ ليه السواق ده مفكرش ان الشخص ده ممكن يكون بنته او ابنه او حد بيحبه ؟؟ ليه اللامبالاة اللى احنا فيها ؟؟ انا يوميها كنت راجع من امتحانى و لما سمعت اللى حصل و انا قاعد فى المترو اتعكننت و حطت وشى فى الارض لحد موصلت اصحابى بيقولولى شافوا سواق مترو مضروب و متعور فى محطة المعصرة يعنى بعد الحادثة بتلات محطات مكان موقفوا المترو اللى عمل الحادثة الصراحة انا لو كنت موجود كنت قتلته مش ضربته كنت شلتله عينيه اللى بيشوف بيها عشان ربنا اداهلوا عشان يشوف شغله كويس و هو كبر دماغه يا ريت كل واحد يأخد باله من شغله ياريت الناس تبطل لا مبالاه ياريت نخاف على بعض يا ريت يا شباب عشان ربنا يرحمنا و يخفف علينا الظروف اللى عايشين فيها الناس فى الشارع تحس انهم بقى عندهم حقد و غل و غش مبقيتش تشترى حاجة بسهولة ابدا دلوقتى كل حاجة فيها غش و خداع و نصب كل ده عشان الناس ان فى ربنا اللى المفروض انهم بيخافوا منه و يرجعوا يأكلوا عيالهم حرام و نسيوا ان الرسول صلى الله عليه و سلم قال "" كل جسد غذى من حرام فالنار اولى به "" يعنى حتى عياله اللى مسرقوش و لا ارتشوا هيخشوا النار و هيكون ذنبهم فى رقبته عشان اكلوا حرام ياريت نفوق و ناخد بالنا ان فى ربنا بيراقبنا ياريت اسف انى طولت عليكوا بس ياريت الناس تستفاد
| |
| | | broken arrow بدأ يشتغل
عدد الرسائل : 58 تاريخ التسجيل : 04/06/2008
| موضوع: رد: لـــــــــ,,,ـــــــــــيـــــــــــــــ,,,ـــــــــــــــــــه ؟ الأربعاء يونيو 04, 2008 5:16 pm | |
| انا مش هاقولك غير ربنا يسامحك في الي عملته فيا وكمان هاقولك عرفت انه فيه سلبيه ولا مبالاه قولي بقا ايه عذره او اسبابه
| |
| | | away_of_life85 مشرف
عدد الرسائل : 74 تاريخ التسجيل : 26/05/2008
| موضوع: رد: لـــــــــ,,,ـــــــــــيـــــــــــــــ,,,ـــــــــــــــــــه ؟ الأربعاء يونيو 04, 2008 10:43 pm | |
| يا رب ربنا يسامحنى بس والله انا متأكد ان اللى انت حسيته ميجيش باللى انا حسيته و حاسه من ساعتها حالة قرف و بالنسبة للسلبية فده موضوع يطول شرحه هنتكلم فيه بعدين
| |
| | | تويتى سويت مدير
عدد الرسائل : 71 العمر : 37 المزاج : VERY NICE تاريخ التسجيل : 27/05/2008
| موضوع: رد: لـــــــــ,,,ـــــــــــيـــــــــــــــ,,,ـــــــــــــــــــه ؟ الأربعاء يونيو 04, 2008 11:46 pm | |
| تصدق بالله ياتامر انت متعرفش بجد القصة دى أثرت فيا ازاى مش قادرة اتخيل منظر والده البنت دى ربنا يارب يلهمها الصبر ويبرد النار اللى جواها دلوقتى ويرحم البنت دى ويغفرلها يارب ومش قادرة اقول اى حاجه تانى
| |
| | | mi_do.mido Admin
عدد الرسائل : 325 العمر : 38 الموقع : https://egypt4all.roo7.biz/index.htm العمل/الترفيه : القعدة معاكوا المزاج : عال العال تاريخ التسجيل : 27/05/2008
| موضوع: رد: لـــــــــ,,,ـــــــــــيـــــــــــــــ,,,ـــــــــــــــــــه ؟ السبت يونيو 07, 2008 6:16 pm | |
| دي اخرت السكوت والله وقلة الضمير وليه الناي مدستش علي فرامل الطواري ربنا يسامح اللي كان السبب وربنا يصبر امها اللي الواحد مش عارف حتنسي موقف زي ده ازاي
| |
| | | | لـــــــــ,,,ـــــــــــيـــــــــــــــ,,,ـــــــــــــــــــه ؟ | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|