egypt4all

منتدي مصر لكل مصر
 
الرئيسيةمكتبة الصورالتسجيلدخول

شاطر | 
 

 ما هو البنات لازم تتجوز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
outforkill.2

avatar

ذكر عدد الرسائل : 19
العمر : 26
العمل/الترفيه : طالب
المزاج : زبادى خلاط عليه شوية طعميه
تاريخ التسجيل : 28/05/2008

مُساهمةموضوع: ما هو البنات لازم تتجوز   الأربعاء يونيو 04, 2008 12:07 am







من الحياة
(°°ღ♥ღ °°) ماهو البنات لازم تتجوز..! (°°ღ♥ღ °°)




كتب السيد البابلى فى المصرى اليوم ...






بصراحة كده الحب عمره ما كان وحده كافي علشان الزواج يستمر وينجح. والحب حاجة حلوة وجميلة وممتعة. لكن حب إيه اللي يقدر يصمد لما تكون العين بصيرة والايد قصيرة.
ومعظم حالات الطلاق هذه الأيام بتكون بسبب مشاكل مادية وعجز الزوج علي انه يوفر احتياجات بيته ويدلع مراته ويكمل أيام الحب بنفس الطريقة فسح وخروج ومطاعم وسينمات وهدايا.




فبعد الجواز الحياة بتبقي حاجة تانية.. الحب بيأخذ اجازة طويلة.. وبيتجمد مع مطالب الدنيا ومابيبقاش فيه غير كلمة هات وبس.. ولو مفيش هات.. فيه مشاكل.. ومشكلة ورا مشكلة والحياة بتبقي مستحيلة والحب بيبقي ذكري.
وعلشان كده بنات الأيام دي بقوا واقعيين قوي قوي.. والواحدة من دول تقولك.. حب إيه اللي إنت جاي تقول عليه. ياسيدي حبني براحتك بس المهم تكون قادر علي الحب وتكاليفه ويكون جيبك علي طول مليان وحسابك بالبنك عمران وما تقولش أبدا لأ..!





ولأنهم بقوا واقعيين وعارفين سكتهم فين. فمنهم اللي اختارت تتجوز العجوز وتحب الشاب.. وهذا أحبه وهذا أريده والنهاية طبعا معروفة والحدوتة قديمة.. والعب ياشيطان العب ياشيطان دا البيت أصبح في خبر كان..!



ومنهم اللي قالت طيب وليه اللف والدوران. المهم نلاقي ابن الحلال. ومش مهم يكون متعلم ولا حتي ابن ناس. المهم يكون شبعان وعنده الامان لأن الأزمة طاحنة والعوانس كتروا.. وفي بلدنا 9 مليون شاب وشابة تجاوزوا الخامسة والثلاثين من أعمارهم دون زواج ومفيش فرصة لا للاختيار ولا للتفكير..!
وأصحاب الفكر ده قالوا نتجوز وخلاص وأهو ضل راجل أحسن من ضل حيطة. ووزارة العدل قالت في أحدث احصائية ليها ان فيه اكتر من 200 ألف فتاة حصلوا علي شهادات عليا ومع ذلك راحوا اتجوزوا أثرياء مصريين من غير المتعلمين من اللي يقدروا يؤثثوا منزل فخم للزوجية ويغرقوهم هدايا ومجوهرات وملابس..!



والدراسة بتقول ايه كمان.. بتقول ان الفتاة لم تعد تهتم لا بقوة شخصية وثقافة الرجل ولا بحسبه ونسبه وانما أصبح كل اهتمامها منصبا علي مدي قدرته المالية التي تمكنه من تلبية كل طلباتها.
والبنات في كده معذورة.. ما هو البنات لازم تتجوز دا البنت بتتولد في اللفة بتحلم بالزفة. امال يعني تقعد مستنية الفارس اللي هاييجي يخطفها ويأخذها علي ضهر حصان أبيض ويقول لها شبيك لبيك أنا ملك ايديك..!





الكلام ده خلاص راحت عليه. والفارس من دول اللي معاه فلوس بيروح يتجوز واحدة برضه معاها فلوس. والفلوس بتتجوز فلوس. والحسب والنسب بيدور علي اللي زيه. دا الجواز بقي صفقة وتجارة وشطارة أكثر منه حب وعشرة وحنية.



ولأن زمن الفرسان أصبح في الأفلام بس.
فبنات اليومين دول بطلوا يحلموا وعاوزين يعيشوا الواقع..
وميكانيكي ميكانيكي مادام واد كسيب وجدع. وحتي لو كان بتاع التلات ورقات مش مهم..
المهم معاه كام وبيكسب كام وعربيته نوعها ايه بدل ركوب الأوتوبيسات وبلاويها ولا الميكروباصات ومصايبها.. ولا التوك توك وبهدلته..!


وصحيح ان معظم جوازات الطريقة دي بيكون مصيرها الطلاق في النهاية. لكن الطلاق في الحالات دي مسئولية الزوجة المتعلمة اللي مقدرتش تفهم انها مش متجوزة من نجيب محفوظ..
دي متجوزة واحد يمكن ما يعرفش يفك الخط..
وهي اللي لازم ترفع من شأنه وتعلمه..
وتخليه قريب منها. هي اللي اختارت وهي اللي عليها تكمل المشوار.
مش عاوزة فلوسه وبس وبعدين تشتم فيه وتتعالي عليه وتعامله كأنه عبد عندها أو خاتم سليمان اللي عليه ما يقولش لأ..!




ولازم الكل يفهم ان الجواز ده مش لعبة.. مادام حصل يبقي فيه مسئولية. فيه تضحية. فيه خد وهات. فيه تنازلات.. وقبل كل شيء لازم يكون فيه احترام. والراجل راجل والست ست. وماتنقلبش الأوضاع وتبقي الست هي الراجل والراجل ست لأن الراجل ممكن يقبل الوضع ده لفترة علشان يرضيها ويخليها تهدي وتستقر. لكن بعد فترة بيقول ملعون أبوها جوازة. ياللا مع السلامة. البلد مليانة بنات وفيه مليون واحدة مستنية اشارة..!



واللي بتتجوز الأيام دي تحمد ربنا وتشكره وتصون بيتها وتربي ولادها صح. وتعيش علي الحلوة والمرة وتنسي اللي بتشوفه في أفلام الأيام دي اللي لحست دماغ البنات وطيرت عقولهم.. وياريتهم يشوفوا بس أفلام زمان اللي كلها دروس وعبر واللي لما كانت الزوجة أو الأم فيها حاجة يتعمل لها تمثال.. وكفاية لما كانت الواحدة فيهم دموعها بتنزل كنا بنقعد نعيط معاها ونشوف فيهم أمهاتنا اللي ما عرفوش من الدنيا الا الصبر.




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
away_of_life85
مشرف
مشرف
avatar

عدد الرسائل : 74
تاريخ التسجيل : 26/05/2008

مُساهمةموضوع: رد: ما هو البنات لازم تتجوز   الأربعاء يونيو 04, 2008 1:21 am

موضوع معبر و اكثر من ممتاز
شكرا ليك
و فى انتظار المزيد

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تويتى سويت
مدير
مدير
avatar

انثى عدد الرسائل : 71
العمر : 30
المزاج : VERY NICE
تاريخ التسجيل : 27/05/2008

مُساهمةموضوع: رد: ما هو البنات لازم تتجوز   الأربعاء يونيو 04, 2008 11:25 pm

والدراسة بتقول ايه كمان.. بتقول ان الفتاة لم تعد تهتم لا بقوة شخصية وثقافة الرجل ولا بحسبه ونسبه وانما أصبح كل اهتمامها منصبا علي مدي قدرته المالية التي تمكنه من تلبية كل طلباتها.
والبنات في كده معذورة.. ما هو البنات لازم تتجوز دا البنت بتتولد في اللفة بتحلم بالزفة. امال يعني تقعد مستنية الفارس اللي هاييجي يخطفها ويأخذها علي ضهر حصان أبيض ويقول لها شبيك لبيك أنا ملك ايديك..!




سورى انا مش مع كاتب هذا المقال فى الجملة دى يعنى ايه ابيع حلم حياتى بالحب والاستقرار علشان فلوس غلط طبعا ومش كل البنات بتفكر كده والا كان زمن نسبة اكبر من كده بكتير متجوزة عجايز ومعاهم فلوس غلط والله ده تفكير البنت اللى مش عاوزة تتعب عاوزة فيلا وعربية وفلوس
وطبعا النتيجة فى النهاية معروفة بس اكرررررر مش هو ده تفكير كل البنات

_________________


سألت قلبى بيحبك اد ايه؟
فقالى قلبى ده حب جديد عليه
الله يباركلى فيك ياأغلى من عنيا
T&SH
FOR EVER ONLY
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
outforkill.2

avatar

ذكر عدد الرسائل : 19
العمر : 26
العمل/الترفيه : طالب
المزاج : زبادى خلاط عليه شوية طعميه
تاريخ التسجيل : 28/05/2008

مُساهمةموضوع: رد: ما هو البنات لازم تتجوز   الخميس يونيو 05, 2008 12:35 am

تويتى سويت كتب:
والدراسة بتقول ايه كمان.. بتقول ان الفتاة لم تعد تهتم لا بقوة شخصية وثقافة الرجل ولا بحسبه ونسبه وانما أصبح كل اهتمامها منصبا علي مدي قدرته المالية التي تمكنه من تلبية كل طلباتها.
والبنات في كده معذورة.. ما هو البنات لازم تتجوز دا البنت بتتولد في اللفة بتحلم بالزفة. امال يعني تقعد مستنية الفارس اللي هاييجي يخطفها ويأخذها علي ضهر حصان أبيض ويقول لها شبيك لبيك أنا ملك ايديك..!




سورى انا مش مع كاتب هذا المقال فى الجملة دى يعنى ايه ابيع حلم حياتى بالحب والاستقرار علشان فلوس غلط طبعا ومش كل البنات بتفكر كده والا كان زمن نسبة اكبر من كده بكتير متجوزة عجايز ومعاهم فلوس غلط والله ده تفكير البنت اللى مش عاوزة تتعب عاوزة فيلا وعربية وفلوس
وطبعا النتيجة فى النهاية معروفة بس اكرررررر مش هو ده تفكير كل البنات



يا أنسة من يسنطيع أن يقول ان كل البنات تسعى وراء المال . وتسعى الى مقدرات الحياة بدلا من الحب والحفاظ عليه .. ولكن النوعيتين موجودتين .
وهناك الكثير من أسر البنات التى تقف بجانب خطيب أبنتهم ..
حتى يستطيع أن يقف على قدميه ..
وشكرا لكى ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
outforkill.2

avatar

ذكر عدد الرسائل : 19
العمر : 26
العمل/الترفيه : طالب
المزاج : زبادى خلاط عليه شوية طعميه
تاريخ التسجيل : 28/05/2008

مُساهمةموضوع: رد: ما هو البنات لازم تتجوز   الخميس يونيو 05, 2008 12:36 am

away_of_life85 كتب:
موضوع معبر و اكثر من ممتاز
شكرا ليك
و فى انتظار المزيد


شكرا ليك يا عزيزى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
broken arrow
بدأ يشتغل
بدأ يشتغل
avatar

عدد الرسائل : 58
تاريخ التسجيل : 04/06/2008

مُساهمةموضوع: رد: ما هو البنات لازم تتجوز   الخميس يونيو 05, 2008 1:06 am

بقولك ايه مايخلوهم في بيوت اهليهم ويرتاحوا ويريحوا
ههههههههههههههههههههههههههههههههههههههه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
outforkill.2

avatar

ذكر عدد الرسائل : 19
العمر : 26
العمل/الترفيه : طالب
المزاج : زبادى خلاط عليه شوية طعميه
تاريخ التسجيل : 28/05/2008

مُساهمةموضوع: رد: ما هو البنات لازم تتجوز   الخميس يونيو 05, 2008 11:36 pm

صح والله الناس قالت كده من الاول بلا جواز بلا وجع دماغ ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mi_do.mido
Admin
Admin
avatar

ذكر عدد الرسائل : 325
العمر : 31
الموقع : http://egypt4all.roo7.biz/index.htm
العمل/الترفيه : القعدة معاكوا
المزاج : عال العال
تاريخ التسجيل : 27/05/2008

مُساهمةموضوع: رد: ما هو البنات لازم تتجوز   السبت يونيو 07, 2008 7:09 pm


الله ينور يا محمد مقال رائع

بس خالي بالك من توتي مضايقهاش

ههههههههههههههههههه

دي ما بترحمش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ما هو البنات لازم تتجوز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
egypt4all :: المنتديات الفرعية :: ادم وحواء-
انتقل الى: